Анімаваныя фоны

Чытаць арыгінальны допіс па-англійску
TITLE

Разам з групавымі відэавыклікамі, гэтае абнаўленне дадае анімацыі для фонаў і адпраўкі паведамленняў, а таксама новыя кнопкі меню для ботаў, новыя спосабы імпарту стыкераў, напаміны пра бяспеку вашага ўліковага запіса – і шмат чаго яшчэ.

Анімаваныя фоны

Сустракайце анімаваныя фоны для чатаў – у месенджарах такога яшчэ не было! Гэтыя шматкаляровыя фоны ствараюцца алгарытмічна і, вы толькі зірніце, як прыгожа змяняюцца кожны раз, калі вы адпраўляеце паведамленне.

Нашы дызайнеры дадалі гэтыя анімацыі да ўсіх стандартных тэм – і на ніводную не пашкадавалі плаўнасці. А яшчэ яны ніяк не ўплываюць на энергаспажыванне вашай прылады!

Яшчэ больш анімаваных фонаў можна пабачыць у наладах. Android: Налады чатаў > Змяніць фон чата. iOS: Выгляд > Фон чата.

Стварэнне і абагуленне фонаў

Як вам мала гэтых фонаў, то няма нічога прасцей, чым зрабіць свае ўласныя. Выберыце тры ці чатыры колеры, дастасуйце да іх анімацыю, а пасля дадайце шаблон, каб зрабіць фон яшчэ больш адметным.

Калі задаволеныя вынікам, абагуліце свае фоны са сваякамі і сябрамі – час перайсці на новы ўзровень перапіскі!

Анімацыя адпраўкі паведамленняў

Стыкеры і эмодзі цяпер саскокваюць з панэлі прама ў чат, дзякуючы новым анімацыям – зноў жа, ніякіх завышаных рахункаў да батарэі.

На iOS гэта тычыцца і медыя, адпраўляемых з адпаведнай панэлі, ды і нават тэкставых паведамленняў. Уведзены тэкст грацыёзна ператвараецца ў «бурбалку» і вылятае прама ў чат.

iOS: Празрыстасць і новыя значкі праграмы

На iOS мы зрабілі верхнюю і ніжнюю панэлі ў чатах часткова празрыстай – цяпер інтэрфэйс глядзіцца больш свежым.

А таксама мы дадалі два новыя значкі праграмы, якія можна выбраць праз Налады > Выгляд – у дадатак да ўжо існуючых сіняй і чорнай версій:

Два новыя значкі для iOS

І яшчэ мы дадалі кнопку Магчымасці Telegram унізе меню налад на iOS: яна пераводзіць вас на канал Telegram Tips. Пакуль што ён даступны на 10 мовах, з нядаўна даданай турэцкай версіяй.

Гэтая кнопка ўжо была на Android, можаце паглядзець унізе бакавога меню.

Напаміны аб уваходных звестках

Важна, каб ваш уліковы запіс Telegram меў актуальны нумар тэлефона, іначай з уваходам могуць узнікнуць непажаданыя цяжкасці. Калі вы нядаўна памянялі нумар тэлефона, то можаце хутка абнавіць яго прама з новага напаміну ў наладах праграмы iOS.

Reminder about keeping your phone number up to date

Карыстальнікі Android змогуць скарыстаць з гэтых функцый у наступным абнаўленні. А пакуль што мы дадалі магчымасць змяніць нумар тэлефона, проста даткнуўшыся да яго ў наладах.

Карыстальнікі на ўсіх платформах будуць атрымліваць апавяшчэнне ад Telegram, калі іх налады двухэтапнай праверкі змяняюцца.

Двухэтапная праверка абараняе ваш уліковы запіс Telegram дадатковым паролем, які трэба будзе ўвесці пры кожнай спробе ўваходу пасля кода пацверджання.

Меню ботаў

Каб вам было прасцей узаемадзейнічаць з ботамі, мы дадалі спецыяльную кнопку меню, якая дазваляе вам праглядаць усе каманды і адпраўляць патрэбныя. Таксама для ботаў цяпер можна змяніць падказку у поле ўводу, каб лепей тлумачыць карыстальнікам, чаго гэты бот чакае.

Распрацоўшчыкі ботаў цяпер могуць ствараць меню каманд з рознымі падказкамі ў залежнасці ад мовы інтэрфэйсу і тыпу чата, а таксама – меню каманд толькі для кіраўнікоў ці для асобных чатаў.

Каб даведацца больш, прагледзьце дакументацыю API ботаў.

Імпарт стыкераў

Бот @stickers дапамагае ў стварэнні новых набораў стыкераў і атрыманні рэлевантнай статыстыкі выкарыстання.

А сёння мы адкрываем распрацоўшчыкам доступ да інструментаў, з дапамогай якіх можна стварыць праграмы, праз якія людзі змогуць ствараць свае ўласныя стыкеры і імпартаваць іх у Telegram адным дотыкам.

Калі вы распрацоўшчык і хочаце стварыць праграму, якая дапаможа карыстальнікам публікаваць стыкеры ў Telegram, прагледзьце нашыя новыя API стыкераў і прыклад праграмы імпарту стыкераў.

Але помніце – калі вы хочаце, каб карыстальнікі Telegram маглі карыстацца стыкерамі, якія вы зрабілі, то можна абыйсціся без праграм! Проста загрузіце іх праз бота, а потым абагуліце спасылку для іншых.

Новыя анімаваныя эмодзі

У нас атрымалася даволі «рухомае» абнаўленне, так што куды падзенешся без дадання новых анімацый для эмодзі. Як і заўсёды, адпраўце адзін эмодзі у любы чат і глядзіце, што ён можа:

А цяпер час праверыць усе новыя фішачкі на практыцы. Мы пакуль працягнем рабіць усё тое, аб чым вы нас прасілі, ну і некалькі сюрпрызаў на рэшту. Не пераключайцеся!

А калі вы яшчэ не чыталі пра групавыя відэавыклікі, то можаце пачытаць тут.


25 чэрвеня, 2021
Каманда Telegram