Рэжым эканоміі энергіі і шмат чаго яшчэ

Чытаць арыгінальны допіс па-англійску
Рэжым эканоміі энергіі і шмат чаго яшчэ

Гэтае абнаўленне дадае новы рэжым эканоміі энергіі, аптымізуе Telegram для прылад Android з нізкай прадукцыйнасцю, пашырае параметры хуткасці прайгравання і шмат чаго яшчэ.

Рэжым эканоміі энергіі

Прыгожыя анімацыі і непатрабавальныя эфекты ў Telegram аптымізаваны так, што любы тэлефон адчуваецца як вельмі магутны, але цяпер іх можна адключыць, каб падоўжыць час працы батарэі і палепшыць прадукцыйнасць на старэйшых прыладах.

Рэжым эканоміі энергіі можна наладзіць на аўтаматычнае ўключэнне ў залежнасці ад узроўню зараду батарэі. А таксама вы можаце ўключаць і адключаць асобныя пераключальнікі, каб кіраваць пэўнымі катэгорыямі эфектаў.

Карыстальнікі iOS таксама могуць уключыць гэтую наладу, каб абмежаваць фонавыя абнаўленні. Хаця мы і не раім гэтага рабіць, бо ваша праграма будзе значна часцей рабіць «Абнаўленне…».

А для Android мы ўручную пратэсціравалі больш за 200 розных прылад, каб убачыць, як на іх працуе Telegram, і стварыць прадвызначаныя аптымізаваныя налады, каб пераканацца, што праграма працуе на найвышэйшым магчымым узроўні для кожнага карыстальніка.

Вы можаце ўключыць і адключыць рэжым эканоміі энергіі або змяніць асобныя налады для аўтапрайгравання, анімацый і эфектаў, перайшоўшы у Налады > Эканомія энергіі.

Дакладная хуткасць прайгравання

Ужо доўгія гады карыстальнікі Telegram маюць магчымасць змяняць хуткасць прайгравання відэафайлаў, а таксама відэа- і галасавых паведамленняў. Цяпер жа налады хуткасці сталі яшчэ больш гнуткімі. Утрымлівайце кнопку 2x, каб выбраць любую хуткасць паміж 0.2x і 2.5x.

Каб змяніць хуткасць прайгравання відэафайлаў, націсніце Menu Android або Menu iOS, а потым націсніце «Хуткасць прайгравання» і перасуньце паўзунок на патрэбную хуткасць.

Час прачытання ў малых суполках

Каб палегчыць супрацоўніцтва для невялікіх каманд, меткі «Прачытана» ў суполках да 100 карыстальнікаў цяпер паказваюць і час, калі паведамленне было прачытана.

Аўтаматычная рассылка запрашэнняў

Карыстальнікі Telegram маюць кантроль над тым, хто можа запрашаць іх у суполкі. Калі вы спрабуеце запрасіць карыстальніка, які абмяжоўвае запрашэнні, вы можаце хутка адправіць яму запрашальную спасылку паведамленнем.

Запрашальныя спасылкі таксама займелі папярэдні прагляд у чатах, так што вы можаце хутка зразумець, куды вас запрашаюць.

Каб наладзіць спіс тых, каму дазволена дадаваць вас у суполкі, перайдзіце ў Налады > Прыватнасць і бяспека > Суполкі і каналы.

Дынамічны парадак набораў стыкераў

У папярэднім абнаўленні мы зрабілі так, каб нядаўна ўжытыя наборы стыкераў перамяшчаліся ўверх вашай панэлі, для хуткага доступу. Калі вы хочаце, каб парадак не змяняўся, то вы можаце адключыць гэта, калі націснеце значок gear ў панэлі стыкераў і знойдзеце там пераключальнік Дынамічны парадак набораў.

Пераклады апісанняў ботаў

Распрацоўшчыкі ботаў цяпер могуць поўнасцю лакалізаваць сваіх ботаў, дадаючы пераклады на пажаданую мову для апісання бота і звестак у панэлі «Што можа рабіць гэты бот?».

Палепшаная падтрымка папак на iOS

Карыстальнікі iOS цяпер могуць адным дотыкам пазначыць усе чаты ў папцы прачытанымі. А падчас перасылання паведамлення папкі дапамогуць хутчэй знайсці патрэбны чат. У наступных абнаўленнях гэтыя паляпшэнні абавязкова стануць даступнымі і для карыстальнікаў Android.

Новыя анімаваныя эмодзі

Мастакі Telegram стварылі дзесяць новых набораў анімаваных эмодзі для падпісчыкаў Telegram Premium.

Новыя інтэрактыўныя эмодзі і рэакцыі

Нашы спецыялісты ў анімацыі дадалі новыя інтэрактыўныя версіі для эмодзі 👾😡😎 🤷‍♀️🤷🤷‍♂️. Адпраўце любы з іх у асабісты чат, а потым націсніце, каб прайграць поўнаэкранны эфект для вас і суразмоўца. Гэтыя эмодзі таксама даступныя ўсім карыстальнікам як рэакцыі.

Вялікае паляванне на хібы

Хіба можна добра ставіцца да хібаў? З гэтым абнаўленнем распрацоўшчыкі Telegram вырашылі ўзяць невялічкі, на два тыдні, перапынак ад рэалізацыі новага функцыяналу, і заместа гэтага разабраліся з больш чым 400 вядомымі памылкамі ва ўсіх праграмах Telegram.

І, пакуль мы працуем над наступным абнаўленнем, запрашаем усіх на bugs.tlgr.org, каб паведамляць аб праблемах нашай камандзе, і пакідаць прапановы праз suggestions.tlgr.org.

Звярніце ўвагу, што абедзве платформы прымаюць новыя заявы толькі на англійскай мове. Але вы можаце таксама паведаміць аб любых праблемах нашым беларускамоўным валанцёрам праз Налады > Задаць пытанне.

8 сакавіка, 2023
Каманда Telegram

Other News

Гісторыі ў суполках і яшчэ 8 магчымасцей

Telegram выводзіць камунікацыю ў суполках на новы ўзровень — з 9 новымі магчымасцямі. Цяпер суполкі могуць размяшчаць гісторыі і захоўваць іх як допісы на сваёй старонцы профілю. Можна…
Feb 29, 2024

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023

Налады выгляду каналаў, адпраўка допісаў у гісторыях і шмат чаго яшчэ

З сённяшнім абнаўленнем любы карыстальнік зможа апублікоўваць допісы з каналаў як гісторыі, каналы атрымаюць пашыраныя налады выгляду,…
Dec 23, 2023