Прыбытак ад рэкламы для ўласнікаў каналаў

Чытаць арыгінальны допіс па-англійску

Сёння мы ўводзім самую шчодрую сістэму ўзнагарод у гісторыі сацыяльных сетак. Уласнікі каналаў у Telegram змогуць атрымліваць 50% ад прыбыткаў рэкламы, якая паказваецца ў іх каналах.

Узнагароды для стваральнікаў

Карыстальнікі Telegram праглядаюць кантэнт у каналах 1 трыльён разоў штомесяц. Ад сёння, уласнікі публічных каналаў з больш чым 1000 падпісчыкаў будуць атрымліваць 50% прыбытку праз рэкламу, якая паказваецца ў іх каналах.

Статыстыка манетызацыі каналаў

Уласнікі каналаў могуць вывесці атрыманыя грошы без камісіі – або рэінвеставаць іх у рэкламу праз Telegram, калекцыйныя імёны карыстальнікаў або розыгрышы Premium.

Адкрыйце Налады канала > Статыстыка > Манетызацыя, каб прагледзець статыстыку манетызацыі свайго канала. Вывад грошай для ўласнікаў каналаў стане даступным на працягу некалькіх тыдняў праз платформу Fragment.

Рэклама праз TON

Каб гэта стала магчымым, мы ўводзім новы тып рэкламы, якую можна набыць з дапамогай Toncoin – крыптавалюты, заснаванай на блакчэйне TON.

Мы выбралі блакчэйн TON, бо ён мае нізкія камісіі і высокую хуткасць транзакцый – так, ён трымае рэкорд па колькасці транзакцый, апрацаваных за секунду.

Любы карыстальнік можа рэкламаваць свайго бота або канал – з любым бюджэтам, хоць бы і колеча Toncoin. Ствараючы рэкламу ў Telegram, вы выбіраеце, у якіх каналах вам бы хацелася яе паказваць, так што вы маеце поўны кантроль над кантэкстам.

Стварэнне рэкламы праз TON

Каб пачаць, проста ўвайдзіце на платформу рэкламы Telegram.

Чаму рэклама ў Telegram асаблівая

Рэклама Telegram моцна адрозніваецца ад рэкламы ў іншых праграмах. Яна паказваецца толькі ў вялікіх публічных каналах. Яна ніколі не з’явіцца ў вашых чатах, спісе чатаў або іншых інтэрфэйсах.

Рэклама Telegram не засноўваецца на звестках аб карыстальніках. Яна залежыць толькі ад каналаў, у якіх вы яе бачыце – і выгаду ад яе атрымліваюць уласнікі каналаў.

Рэклама Telegram у вялікім канале

Ясная рэч, што рэклама, нават калі і дапамагае падтрымаць стваральнікаў кантэнту, падабаецца не ўсім. На шчасце, Telegram дазваляе кожнаму адключыць рэкламу, падпісаўшыся на Telegram Premium – і атрымаць разам з тым дзясяткі эксклюзіўных магчымасцей, у тым ліку і новыя магчымасці Telegram для бізнесу.


31 сакавіка, 2024,
Каманда Telegram

Other News

Прадстаўляем Telegram для бізнесу

З гэтым абнаўленнем любы зможа пераўтварыць свой уліковы запіс Telegram у старонку для бізнесу – і атрымаць доступ да магчымасцей для бізнесу, такіх як паказ часу працы і месцазнаходжання…
Mar 31, 2024

Гісторыі ў суполках і яшчэ 8 магчымасцей

Telegram выводзіць камунікацыю ў суполках на новы ўзровень — з 9 новымі магчымасцямі. Цяпер суполкі могуць размяшчаць гісторыі і захоўваць іх як допісы на сваёй старонцы профілю. Можна…
Feb 29, 2024

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023